ამ ორი კანონის გაუქმებას როცა ითხოვენ, აქ არის ზუსტად ფარდის ჩამოხსნის პროცესი მათი მხრიდან. რა შუაშია გამჭვირვალობის კანონი და ლგბტ პროპაგანდის წინააღმდეგ კანონი არჩევნების შედეგებთან? - გურამ მაჭარაშვილი

ამ ორი კანონის გაუქმებას როცა ითხოვენ, აქ არის ზუსტად ფარდის ჩამოხსნის პროცესი მათი მხრიდან. რა შუაშია გამჭვირვალობის კანონი და ლგბტ პროპაგანდის წინააღმდეგ კანონი არჩევნების შედეგებთან? - განაცხადა „ხალხის ძალის“ აღმასრულებელმა მდივანმა გურამ მაჭარაშვილმა უცხოელი აქტორების ნაწილის მხრიდან გამჭვირვალობის კანონისა და ოჯახური ღირებულებების და არასრულწლოვანთა დაცვის კანონის გაუქმების მოთხოვნის შეფასებისას.„რა შუაშია გამჭვირვალობის კანონი და ლგბტ [პროპაგანდის წინააღმდეგ] კანონი არჩევნების შედეგებთან? ანუ რა გამოდის - ეს 400 00 თუ 300 000 ხმა არ გაყალბებულა, უბრალოდ გვევაჭრებიან, თუ ამ კანონებს გავაუქმებთ, მერე ლეგიტიმური იქნება ეს არჩევნები მათი აზრით და ეს 300 000 ხმა კი არ გაქრა სადმე და კი არ გაყალბდა, „ქართულ ოცნებას“ ეკუთვნის ნამდვილად? ამას ვამბობთ ზუსტად, რომ ოპოზიციის უცხოელი პატრონები ასე ევაჭრებიან სახელმწიფოებს, მაგრამ არ გამოუვათ ეს“, - განაცხადა გურამ მაჭარაშვილმა.