ხალხის გულებში თუ აღდგება ერთმანეთის ნდობა, მაშინ აღდგება ჩვენი ძმობაც, მეგობრობაც და მხოლოდ ამის შემდგომ აღდგება ტერიტორიული მთლიანობა - ბექა ოდიშარია

ბექა ოდიშარიამ კიდევ ერთხელ გაუსვა ხაზი ტერიტორიული მთლიანობის მშვიდობიანი გზით აღდგენის მნიშვნელობას. ამ თემაზე პარლამენტის დიასპორისა და კავკასიის საკითხთა კომიტეტის თავმჯდომარემ ჟურნალისტებთან ისაუბრა.„ამას უნდა სერიოზული მოლაპარაკებები, მათ შორის ხელის ჩამორთმევა, ხელის გაწვდენა, როგორც მინიმუმ. ამას აუცილებლად მოჰყვება შედეგები. ხალხის გულებში თუ აღდგება ერთმანეთის ნდობა, მაშინ, რა თქმა უნდა, აღდგება ჩვენი ძმობაც, მეგობრობაც და მხოლოდ ამის შემდგომ აღდგება ტერიტორიული მთლიანობა. რა თქმა უნდა, თავად მიწა და ტერიტორია ადამიანების გულების გაერთიანების გარეშე ვერაფრით აღდგება“, - მიიჩნევს ოდიშარია.