საქართველომ, როგორც სამხრეთ კავკასიამ, საბაზისო, 10-პროცენტიანი ტარიფი მიიღო, ამ მხრივ, ამერიკელების წინაშე პირნათელი ვართ, რადგან ჩვენი სავაჭრო ბრუნვა, იმპორტი 90 პროცენტზე ოდნავ მეტია - ლევან მახაშვილი

საქართველომ, როგორც სამხრეთ კავკასიამ საბაზისო, 10-პროცენტიანი ტარიფი მიიღო. ამ მხრივ, ამერიკელების წინაშე პირნათელი ვართ, რადგან ჩვენს სავაჭრო ბრუნვას თუ ნახავთ, იმპორტი 90 პროცენტზე ოდნავ მეტია, – ამის შესახებ საქართველოს პარლამენტის ევროინტეგრაციის კომიტეტის თავმჯდომარე ლევან მახაშვილმა განაცხადა.„ვამბობდით, რომ აშშ-ის პრეზიდენტი ახალ სატარიფო ომს, სავაჭრო პოლიტიკას იწყებდა, რაც მისი პოლიტიკური, თუ ეკონომიკური მიზნებისთვის იქნებოდა გამოყენებული. რეალობაა, როცა ტრამპმა ახალი სატარიფო ომები დაიწყო ყველას მიმართ, რასაც ორი მიზანი აქვს – გააძლიეროს ამერიკის ეკონომიკა და მისი გავლენები, დომინაცია მსოფლიოს მასშტაბით, მათ შორის მისი სავაჭრო პარტნიორების დასუსტებით. ამ რეალობის წინაშე ვდგავართ. ეს არც ახალია და არც მოულოდნელი ყოფილა.საქართველომ, როგორც სამხრეთ კავკასიამ საბაზისო, 10-პროცენტიანი ტარიფი მიიღო. ამ მხრივ, ამერიკელების წინაშე პირნათელი ვართ, რადგან ჩვენს სავაჭრო ბრუნვას თუ ნახავთ, იმპორტი 90 პროცენტია, ცოტა მეტი. ექსპორტი, რაზეც ტარიფი დაწესდა, 10 პროცენტია. ანუ, მთავარი მიზანი, რატომაც დაიწყო ტრამპმა თავისი პოლიტიკა, ის დისბალანსია, როცა უცხო ქვეყნები ბოროტად იყენებდნენ ამერიკის შედარებით რბილ პოლიტიკას“, – აღნიშნა ლევან მახაშვილმა.აშშ-ის პრეზიდენტის, დონალდ ტრამპის მიერ სხვადასხვა ქვეყნისთვის დაწესებული ტარიფები 10%-იდან 49%-მდეა. ამასთან, ტრამპმა ევროკავშირს – 20%-იანი, დიდ ბრიტანეთს კი 10%-იანი ტარიფები დაუწესა. როგორც აშშ-ის პრეზიდენტმა აღნიშნა, ტარიფები აშშ-ს ეკონომიკის აღდგენაში დაეხმარება. ასევე, ტრამპმა 25%-იანი ტარიფი დააწესა უცხოური წარმოების ყველა ავტომობილზე.