ორშაბათიდან განახლდება საგამოძიებო კომისიის მუშაობა. დაახლოებით 400-ზე მეტი განაცხადია შემოსული - ირაკლი ქადაგიშვილი

ორშაბათიდან განახლდება საგამოძიებო კომისიის მუშაობა. დაახლოებით 400-ზე მეტი განაცხადია შემოსული, - აცხადებს პარლამენტის რეგიონული პოლიტიკისა და თვითმმართველობის კომიტეტის თავმჯდომარე, ირაკლი ქადაგიშვილი 2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომასთან დაკავშირებით.„ორშაბათიდან განახლდება საგამოძიებო კომისიის მუშაობა. დაახლოებით 400-ზე მეტი განაცხადია შემოსული. ადამიანები ითხოვენ სამართლიანობის აღდგენას, მათ მიმართ როგორც პიროვნული, ასევე წამების, ქონების ჩამორთმევის ფაქტებზე. ხშირად რომ გგონია რომ გაგიგია ამის შესახებ და მერე ადამიანი რომ ჰყვება სხდომაზე რეალურად გარდა სასამართლოს მიერ დამდგარი განაჩენისა, ადამიანმა რა სულიერი, მორალური, ფიზიკური [ზიანი ნახა], ოჯახები როგორ ინგრეოდა, ამით ყველაფერი კიდევ სხვა ტრაგედიას წარმოადგენს. მოსმენები გრძელდება რა ვადაც იქნება, ყველა [განმცხადებელი] მაქსიმალურად იქნება მოსმენილი“, - აღნიშნა ქადაგიშვილმა.