ნინო წილოსანი: „ქართული ოცნება“, ჩვენი ხელისუფლება არჩევის დღიდან რაციონალურ, პრაგმატულ პოლიტიკას აწარმოებს და ამ პოლიტიკის ფარგლებში აშშ-სთან ურთიერთობების გაუმჯობესება, უფრო უკეთეს ხარისხში აყვანა ერთ-ერთი პრიორიტეტია

„ქართული ოცნება“ და ჩვენი ხელისუფლება არჩევის დღიდან რაციონალურ, პრაგმატულ პოლიტიკას აწარმოებს და ამ პოლიტიკის ფარგლებში ამერიკის შეერთებულ შტატებთან ურთიერთობების გაუმჯობესება, უფრო უკეთეს ხარისხში აყვანა ერთ-ერთი პრიორიტეტია, - განაცხადა გადაცემა „დღის ქრონიკაში“ საქართველოს პარლამენტის თავმჯდომარის მოადგილე ნინო წილოსანმა.მისივე თქმით, თუ რაზე არის დამოკიდებული საქართველო ამერიკის შეერთებული შტატების ურთიერთობების გადატვირთვა და უკეთეს ხარისხში აყვანა, ეს კომპლექსური თემაა.„ჩვენი ხელისუფლება არჩევის დღიდან რაციონალურ, პრაგმატულ პოლიტიკას აწარმოებს და ამ პოლიტიკის ფარგლებში ამერიკის შეერთებულ შტატებთან ურთიერთობების გაუმჯობესება, უფრო უკეთეს ხარისხში აყვანა ერთ-ერთი პრიორიტეტია. თუმცა, როგორც ამ ურთიერთობებში გარკვეული ხარვეზების შეტანა არ იყო ჩვენი გადაწყვეტილება და ჩვენს ხელთ არ იყო ეს ბერკეტები, გაიხსენებთ ალბათ, მაგალითად წინა ელჩის ერთ-ერთ გამონათქვამს „გამჭვირვალობის კანონზე“, რომ შავი დღე არის ქართული დემოკრატიისთვისო, ასევე, რა თქმა უნდა ამ ურთიერთობების გაუმჯობესება და ამ ხარვეზების აღმოფხვრა არ არის ჩვენს ხელთ. შესაბამისად, რა თქმა უნდა, ველოდებით, რომ თავად აშშ-ში და ახალი პრეზიდენტის ადმინისტრაციის პირობებში მოხდეს იმ გავლენიანი ძალების გვერდით გაწევა, რომლებიც, სამწუხაროდ მართავენ გარკვეულ პროცესებს არამხოლოდ ამერიკაში, არა მხოლოდ ევროპაში. არამედ მთლიანად მსოფლიოს მასშტაბით.რაზე არის დამოკიდებული საქართველო ამერიკის შეერთებული შტატების ურთიერთობების გადატვირთვა და უკეთეს ხარისხში აყვანა, ეს კომპლექსური თემაა. ბევრ ფაქტორზეა დამოკიდებული, დაწყებული იქიდან, თუ რა იქნება მსოფლიო პოლიტიკის დღის წესრიგი. ვიცით, რომ ურთიერთობებში გარკვეული ხარვეზები და გაუარესება დაიწყო მას შემდეგ, რაც უკრაინაში ომი დაიწყო და შესაბამისად, საქართველო გარკვეული როლისთვის მოიაზრებოდა. რა თქმა უნდა, ამ ურთიერთობების გაუმჯობესება ასევე დამოკიდებულია ორი ქვეყნის ურთიერთინტერესზე. რა ინტერესი აქვს ამერიკის შეერთებულ შტატებს საქართველოსთან მიმართებაში და საქართველოს რა ინტერესები აქვს, რა თქმა უნდა, ვიცით, მკაფიოდ არის განსაზღვრული და დამთავრებული იმით, თუ როგორ მოხერხდება იმ გარკვეული გავლენიანი ძალების გვერდით გაწევა, რომელიც რეალურად მართავს გარკვეულ პროცესებს“, - აღნიშნა ნინო წილოსანმა.მისივე თქმით, საქართველოს ხელისუფლება ძალისხმევას არ დაიშურებს, თუმცა ხედავენ, რომ თავად ტრამპის ადმინისტრაციაც ძალიან არაერთგვაროვანია და კომპლექსურია შემადგენლობა.