ნებისმიერი მცდელობა, რომ გასამხედროებული ფორმირება შეიქმნას, იქნება მკაცრად სისხლისსამართლებრივად დასჯილი - მათიკაშვილი

ნებისმიერი მცდელობა, რომ გასამხედროებული ფორმირება შეიქმნას, იქნება მკაცრად სისხლისსამართლებრივად დასჯილი, რადგან ეს არის დასჯადი ქმედება, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.მათიკაშვილის თქმით, არავის აქვს უფლება, რაიმე ფორმით შეითავსოს ის ფუნქცია, რრომელიც სახელმწიფოს ძალოვან სტრუქტურებს გააჩნიათ.„ეს არის მცდელობა, შეიქმნას გასამხედროებული ორგანიზაციები, რაც 90-იან წლებში კარგად ვნახეთ და გამოვიარეთ. ისიც ვნახეთ, ამან ქვეყანა სადამდე მიიყვანა. ყველამ კარგად გაიაზროს, რომ ასეთ ფორმირებაში მონაწილეობისთვის მკაცრად იქნებიან დასჯილი, რადგან ამას სისხლის სამართლის კოდექსი ითვალისწინებს“, – განუცხადა დავით მათიკაშვილმა საქართველოს პირველ არხს.„ტაბულამ“ გუშინ, 8 დეკემბერს გაავრცელა ინფორმაცია, რომ რუსთაველის გამზირზე მომიტინგეების დასაცავად შექმნილი ჯგუფი გამოჩნდა. როგორც გამოცემა წერს, აღნიშნული ჯგუფი აქციის მონაწილეების „ტიტუშკებისგან“ დასაცავად შეიქმნა.