"ნაცმოძრაობას" ვერ მოვთხოვთ, რომ სალომე ზურაბიშვილს დაექვემდებაროს, რომელიც სააკაშვილს არ სწყალობდა და მისი ჩანაცვლებისთვისაა წამოწეული წინ" - გიორგი ვოლსკი

"ნაცმოძრაობას" ვერ მოვთხოვთ, რომ სალომე ზურაბიშვილს დაექვემდებაროს, რომელიც სააკაშვილს არ სწყალობდა თავის დროზე და მისი ჩანაცვლებისთვის არის წამოწეული წინ," - ეს განცხადება "ქართული ოცნების" წევრმა, გიორგი ვოლსკიმ ოპოზიციის ერთიანობასთან დაკავშირებით გააკეთა.მისივე თქმით, სამწუხაროა, რომ ჯერ კიდევ არსებობენ ადამიანები, რომლებიც "დიფ სთეითს" ემსახურებიან."არ ფიქრობს ამის გაკეთებას, ყოველ შემთხვევაში, ადამიანების დასანახად, მაგრამ თითქოს და ეს დაშლილ-მოშლილი ორგანიზმი ამ ერთი გეგმით და მარიონეტობის ავადმყოფობით შეპყრობილი, თავის სისუსტის გამოსწორებას ცდილობს გარკვეული ჩახლართული პასუხებით მოულოდნელ სიხარულზე, რესურსზე, რომელიც მათ თითქოს და გააჩნიათ.სამწუხარო ფაქტია, რომ გარკვეული ჯგუფი ადამიანებისა, რომლებიც გარედან ემსახურებიან "დიფ სთეითს", ომის პარტიას, ჯერ კიდევ არსებობენ და ჯერ კიდევ მხარს უჭერენ ამ ხალხს", - აცხადებს საქართველოს პარლამენტის თავმჯდომარის პირველი მოადგილე გიორგი ვოლსკი.