მიხაელ როთი თბილისში შეხვედრებს მართავს

გერმანიის ბუნდესტაგის საგარეო საქმეთა კომიტეტის თავმჯდომარე თბილისში შეხვედრებს მართავს.მიხაელ როთი ოპოზიციის წარმომადგენლებს ესაუბრა. ერთსაათიან შეხვედრას ესწრებოდა საქართველოში გერმანიის ელჩიც.ბუნდესტაგის წევრი თბილისს გუშინ ღამე ეწვია. რამდენიმე დღის წინ კი, სოციალურ ქსელში დაწერა, რომ საქართველოში გამოსამშვიდობებელი ვიზიტით ჩამოდის."ნაციონალური მოძრაობის" ერთ-ერთი ლიდერის, გიორგი ვაშაძის განცხადებით, გერმანია დამოუკიდებელი საქართველოს ისტორიაში ასეთი აქტიური არასდროს არ ყოფილა."ქართველი ხალხის ბრძოლას ყველაზე დიდი მხარდაჭერა აქვს ჩვენი პარტნიორების მხრიდან. მინდა ხაზი გავუსვა, რომ გერმანია იქცა საქართველოს მთავარ სტრატეგიულ პარტნიორად, სწორედ ამ ყველაზე ძნელ პროცესში, როდესაც დემოკრატია ხელყოფილია. გერმანია სწორედ ამაში გვიჭერს ჩვენ მხარს, რომ დემოკრატიული სისტემა ავაშენოთ. ღიად ვამბობ, გერმანია დამოუკიდებელი საქართველოს ისტორიაში ასეთი აქტიური არასდროს არ ყოფილა", - განაცხადა გიორგი ვაშაძემ.