მაკა ბოჭორიშვილმა და აზერბაიჯანის საგარეო საქმეთა მინისტრმა პოლიტიკური, ეკონომიკური, ენერგეტიკული საკითხები განიხილეს

საქართველოს საგარეო საქმეთა მინისტრმა მაკა ბოჭორიშვილმა ბაქოში მის აზერბაიჯანელ კოლეგასთან ჯეიჰუნ ბაირამოვთან გაფართოებულ ფორმატში გამართულ შეხვედრაზე განიხილა პოლიტიკური, ეკონომიკური, ენერგეტიკული, ტრანსპორტისა და კომუნიკაციების და ჰუმანიტარული საკითხები აზერბაიჯანი-საქართველოს სტრატეგიული პარტნიორობის ჭრილში. ინფორმაციას აზერბაიჯანის საგარეო უწყება სოციალურ ქსელ X-ში ავრცელებს.„აზერბაიჯანის რესპუბლიკის საგარეო საქმეთა მინისტრმა ჯეიჰუნ ბაირამოვმა და საქართველოს საგარეო საქმეთა მინისტრმა მაკა ბოჭორიშვილმა გამართეს შეხვედრა გაფართოებულ ფორმატში და განიხილეს პოლიტიკური, უსაფრთხოების, ეკონომიკური, ენერგეტიკული, ტრანსპორტისა და კომუნიკაციების და ჰუმანიტარული საკითხები აზერბაიჯანი-საქართველოს სტრატეგიული პარტნიორობის ჭრილში და აგრეთვე რეგიონული და საერთაშორისო უსაფრთხოების საერთო ინტერესების მატარებელი საკითხები“, - ნათქვამია განცხადებაში.აზერბაიჯანის საგარეო საქმეთა სამინისტროს ინფორმაციით, ბაირამოვმა მის ქართველ კოლეგას გააცნო პოსტ-კონფლიქტური რეგიონის აღდგენის გზები, სამშვიდობო ძალისხმევა და აგრეთვე გამოწვევები, რომელიც არსებობს მდგრადი მშვიდობის დამყარების პროცესში. Minister of Foreign Affairs @Bayramov_Jeyhun of the Republic of #Azerbaijan and Minister of Foreign Affairs @MakaB__ of #Georgia met in an expanded format @AzerbaijanMFA to discuss political, security, economic, energy, transport-communications, humanitarian dimensions of… pic.twitter.com/evMuiPQU0n — MFA Azerbaijan 🇦🇿 (@AzerbaijanMFA) January 16, 2025