ლევან მგალობლიშვილი: ახლა ყველაზე მნიშვნელოვანია აფეთქების შედეგად დაზიანებულ კორპუსში მცხოვრები მოქალაქეების დაბინავება, ამისთვის ყველაფერს ვაკეთებთ

ჩვენთვის ახლა ყველაზე მნიშვნელოვანია მოსახლეობის დაბინავება და ქალაქის მერიასთან და ჯანდაცვის სამინისტროსთან ერთად ამისთვის ყველაფერს ვაკეთებთ, - განაცხადა აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა, რომელიც ორთაჭალაში, შემთხვევის ადგილზე იმყოფებოდა.მან ასევე ჯანდაცვის მინისტრთან ერთად, მოინახულა აფეთქების შედეგად დაშავებულები.აფხაზეთის მთავრობის თავმჯდომარის თქმით, ერთ-ერთი დაშავებულის მდგომარეობა შედარებით მძიმეა.