დებატები ევროკავშირის საგარეო საქმეთა მინისტრებს შორის საქართველოს საკითხზე დასრულდა - რიკარდ იოზვიაკი

უნგრეთის და სლოვაკეთის მთავრობების წარმომადგენლები ევროკავშირის საგარეო საქმეთა მინისტრების შეხვედრაზე ბრიუსელში საქართველოსთვის სანქციების დაწესების საკითხს ბლოკავენ.ინფორმაციას „რადიო თავისუფლების“ ევროპული ბიუროს ხელმძღვანელი რიკარდ იოზვიაკი სოციალურ ქსელ X-ში ავრცელებს.„დებატები ევროკავშირის საგარეო საქმეთა მინისტრებს შორის საქართველოს საკითხზე დასრულებულია. როგორც მოსალოდნელი იყო, უნგრეთი და სლოვაკეთი სანქციებს ბლოკავენ. ევროკომისია ქართველი დიპლომატებისთვის ვიზალიბერალიზაციის შეჩერებას შესთავაზებს, სავარაუდოდ ამ კვირაში. საამისოდ კვალიფიციური უმრავლესობა არსებობს“, - დაწერა იოზვიაკმა.