გადაწყვეტილება, რაც მიიღო სამმა ტელევიზიამ, არის აბსოლუტურად სწორი - ლონდა თოლორაია ოპოზიციური არხების გადაწყვეტილებაზე არ გაუშვან ეთერში „ქართული ოცნების“ საარჩევნო კლიპი

ოპოზიციური არხების გადაწყვეტილებას, რომ „ქართული ოცნების“ საარჩევნო კლიპი, კანონის მოთხოვნის მიუხედავად, ეთერში არ გაუშვან, სადამკვირვებლო კოალიციის - „ჩემი ხმა“ წარმომადგენელი ლონდა თოლორაია აფასებს.მისი თქმით, სამმა ტელევიზიამ აბსოლუტურად სწორი გადაწყვეტილება მიიღო.„გადაწყვეტილება, რაც მიიღო სამმა ტელევიზიამ, არის აბსოლუტურად სწორი. მათ აქვთ უფლება, უარი თქვან ასეთი ტიპის ბანერების განთავსებაზე. ეთიკურობის პრინციპის დარღვევა არის ძალიან მნიშვნელოვანი პრინციპის დარღვევა. ეს ორი ბანერი ეთიკურობის პრინციპის დაცულობის კუთხით, ერთმანეთთან ვერ თანაბრდება. პარლამენტი იღებს კანონებს, რომლებსაც კანონმდებლობასთან საერთო არაფერი აქვს. დიახ, პირდაპირ ვაცხადებთ, რომ უკანონო კანონებს ჩვენ არ ვემორჩილებით. მე ვარ იურისტი და ჩემი კომენტარი არის შემდეგი - ეს [„ქართული ოცნების“] საარჩევნო რეკლამები არღვევს ეთიკის ნორმებს“, - აღნიშნა თოლორაიამ.