აშშ-ის საელჩო: ყველამ, ვინც პასუხისმგებელია ძალადობაზე, პასუხი უნდა აგოს

აშშ-ის ელჩი რობინ დანიგანი 9 დეკემბერს საქართველოს სახალხო დამცველს ლევან იოსელიანს შეხვდა და საქართველოს მოქალაქეების უფლებების დაცვაში სახალხო დამცველის აპარატის მნიშვნელობაზე ისაუბრა. აშშ-ის საელჩოს განცხადებაში ხაზგასმულია, რომ ძალადობაზე პასუხისმგებელმა ყველა პირმა პასუხი უნდა აგოს, ხოლო ყველა დაკავებული მომიტინგე უნდა გათავისუფლდეს.

„ვინც პასუხისმგებელია სასტიკ და გაუმართლებელ ძალადობაზე, მათ შორის: მომიტინგეებზე, მედიის წარმომადგენლებსა და ოპოზიციის წევრებზე, პასუხი უნდა აგონ. დაუყოვნებლივ უნდა გათავისუფლდნენ ადამიანები, რომლებიც სარგებლობდნენ მშვიდობიანი შეკრებისა და გამოხატვის თავისუფლების უფლებებით“, – ნათქვამია საელჩოს განცხადებაში.

ასევე წაიკითხეთ:

• 05/12/2024 – აშშ-ის სახელმწიფო მდივანი გმობს „ქართული ოცნების“ ძალადობას და დამატებით სანქციებს აანონსებს
• 11/07/2024 – აშშ-ის MEGOBARI აქტი კონგრესის საგარეო საქმეთა კომიტეტმა მიიღო
• 24/05/2024 – ქართველი ხალხის აქტი სანქციებისა და აშშ-საქართველოს ურთიერთობების გადახედვის შესახებ აშშ-ის სენატს წარედგინა