VIDEO: ბუნებრივია, როდესაც ადმინისტრაცია შეიცვალა, შეიცვალა ამერიკის შეერთებული შტატების საელჩოს პოზიციონირება და სტრატეგიული კომუნიკაცია საქართველოსთან მიმართებაში - გიორგი ანთაძე

ბუნებრივია, როდესაც ადმინისტრაცია შეიცვალა, შეიცვალა ამერიკის შეერთებული შტატების საელჩოს პოზიციონირება და სტრატეგიული კომუნიკაცია საქართველოსთან მიმართებაში - ამის შესახებ „ჯეოქეისის“ თავდაცვის და უსაფრთხოების მიმართულების მკვლევარმა, გიორგი ანთაძემ გადაცემა „ვახო ხუზმიაშვილის თავისუფალ სივრცეში“ განაცხადა. „ბუნებრივია, ნებისმიერი ქვეყნის საელჩო, ნებისმიერ ქვეყანაში არის დედაქალაქის პოლიტიკური ხედვის და საგარეო პოლიტიკური ინტერესების გამტარებელი. ძალიან ბუნებრივია, როდესაც ადმინისტრაცია შეიცვალა, შეიცვალა ამერიკის შეერთებული შტატების საელჩოს პოზიციონირება და სტრატეგიული კომუნიკაცია საქართველოსთან მიმართებაში. მანამ სანამ ტრამპის ადმინისტრაცია  უფრო მკაფიოდ, გლობალური კონტექსტის გათვალისწინებით არ ჩამოაყალიბებს თბილისთან დაკავშირებით, მანამდე შინაარსობრივად განსაკუთრებული, სახეცვლილი გზავნილები მე ვფიქრობ, თბილისთან მიმართებაში არ იქნება. ეს ალბათ, დროის საკითხი არის..“, - განაცხადა გიორგი ანთაძემ.