The Washington Post: ტრამპმა ტაივანს 400 მილიონი დოლარის სამხედრო დახმარება შეუჩერა

აშშ-ის პრეზიდენტმა დონალდ ტრამპმა მიმდინარე წლის ზაფხულში ტაივანისთვის 400 მილიონი დოლარის ოდენობის სამხედრო დახმარების გამოყოფა დაბლოკა, რადგან ჩინეთის პრეზიდენტთან სი ძინპინთან ურთიერთობების დალაგებას ცდილობს. ინფორმაციას The Washington Post-ი ხუთ წყაროზე დაყრდნობით ავრცელებს.გამოცემის ცნობით, ტრამპს ჩინეთის ლიდერთან სავაჭრო შეთანხმებაზე მოლაპარაკება და აშშ - ჩინეთის სამიტის გამართვა სურს.წყაროების ცნობით, ტრამპის ასეთი გადაწყვეტილება თვითმმართველ კუნძულთან დაკავშირებით აშშ-ის პოლიტიკის შეცვლაზე მიუთითებს, რადგან ჩინეთი ტაივანს თავის განუყოფელ ნაწილად მიიჩნევს.გამოცემა წერს, რომ ტრამპის მიერ დაბლოკილ სამხედრო დახმარების პაკეტში სხვადასხვა სახის ჭურვები, ტყვია-წამალი და ავტონომიური უპილოტო საფრენი აპარატები შედიოდა.თეთრ სახლში აცხადებენ, რომ ტაივანისთვის სამხედრო პაკეტის გადაცემის საკითხი საბოლოოდ გადაწყვეტილი ჯერ არ არის, ხოლო ვაშინგტონში მდებარე ტაივანის არაოფიციალური საელჩო საკითხის კომენტირებისგან თავს იკავებს.