“თუ იმაზეა საუბარი, რომ ვინ რომელ აქციაზეა – მე დევნილი ვარ და დევნილების აქციაზეც ვიყავი“- კახა კინწურაშვილი

მსახიობმა კახა კინწურაშვილმა “ფორმულას“ ეთერში განაცხადა, რომ სხვადასხვა აქციებზე რამდენიმე სტატუსით მიდის და ქვეყანაში მიმდინარე მოვლენებში აქტიურადაა ჩართული.

“თუ იმაზეა საუბარი, რომ ვინ რომელ აქციაზეა – მე დევნილი ვარ და დევნილების აქციაზეც ვიყავი, მსახიობი ვარ და მსახიობების აქციაზეც ვიყავი, მეღვინე ვარ და მეღვინეების აქციაზეც ვიყავი.

იქ ვართ სადაც საჭიროა. საუბარია დღეს რომ იმის გვერდზე არ დავდგები, ამის გვერდზე არ დავდგები. იგივეა, როდესაც ეკლესიაში შედიხარ წირვაზე დასასწრებად, არ ფიქრობ იმაზე, ვის გვერდით დგახარ, ვის რა ცოდვა აქვს.

იგივეა დღეს ჩემთვის რუსთაველი. ჩემთვის დღეს ეკლესია არის ადამიანების ერთობა, სიყვარული, რომელიც გაჩნდა საზოგადოებაში ერთმანეთის მიმართ და რწმენა ადამიანებისა, რომლებმაც გადატეხეს შიში. დღეს ადამიანები იბრძვიან ოჯახებისთვის, მეგობრებისთვის და მომავლისთვის“,- ამბობს კახა კინწურაშვილი.