“Q1-ში ჯგუფის მასშტაბით 3%-იანი კლება გვაქვს” – “ჯიტექსის” CEO მიზეზებზე

“მიმდინარე წლის პირველ კვარტალში Gtex-ის ჯგუფში შემავალ 7 ბრენდში, ჯამურად, გაყიდვების 3%-იანი კლება ფიქსირდება”, – ამის შესახებ კომპანიის აღმასრულებელმა დირექტორმა ანა კაპანაძემ BMG-სთან ისაუბრა და “ჯიტექსის” 2025 წლის გეგმები შეაჯამა.
როგორც ის აღნიშნავს, გაყიდვებზე ქვეყანაში არსებული მდგომარეობა და არასტაბილური ვითარება აისახა, რის გამოც წინასწარი პროგნოზების გაკეთებაც გართულებულია. ანა კაპანაძის თქმით, სწორედ ამიტომ, “ჯიტექსის” ამოცანაა, მიმდინარე კრიზისის მიუხედავად, ზრდა გააგრძელოს.
“პირველი კვარტალი შარშანდელს რომ შევადაროთ, გვაქვს ჯგუფის მასშტაბით 3%-იანი კლება, თუმცა ჩვენი ძალისხმევით, ახალი მაღაზიების გახსნით, ოდნავ ვზრდით შარშანდელ მაჩვენებლებს. რასაკვირველია, ვაკვირდებით ვითარებას, ტურისტების შემოდინებას, რომელიც საკმაოდ შემცირებულია… ვერ ვიტყვი, რომ რომელიმე მიმართულება, ავეჯი თუ ტანსაცმელი, რაც პორტფელში გვაქვს, უფრო მეტად არის აქტიური, ფაქტობრივად ერთი და იგივე ზეგავლენა აქვს [მიმდინარე მოვლენებს] ორივე სახის პროდუქციაზე.