ჰერჩინსკის მიმართ ბულინგი, რომლის ქვეშაც ზოგმა ევროპელმა პოლიტიკოსმა ის მოაქცია, კიდევ ერთი დასტურია, თავად როგორ მძიმე სიტუაციაში იხარშებიან, ერთმანეთს ასირცხვილებენ იმისთვის, რაც ნორმალურია - წილოსანი

პარლამენტის ვიცე-სპიკერი, ნინო წილოსანი „ქრონიკასთან“ აცხადებს, რომ დასავლელი პოლიტიკოსების განცხადებები საქართველოს საგარეო საქმეთა მინისტრის, მაკა ბოჭორიშვილისა და საქართველოში ევროკავშირის ელჩის, პაველ ჰერჩინსკის შეხვედრის შესახებ , ძალიან სამწუხაროა.„ჰერჩინსკის მიმართ მიმდინარე ბულინგი, რომლის ქვეშაც ზოგმა ევროპელმა პოლიტიკოსმა ის მოაქცია, კიდევ ერთი დასტურია, თავად როგორ მძიმე სიტუაციაში იხარშებიან, ერთმანეთს აბულინგებენ, ერთმანეთს ასირცხვილებენ იმისთვის, რაც წესით ნორმალურია, რომ დიპლომატმა გააკეთოს და სწორედ ამ ბულინგის ფონზე უწევთ რიგ შემთხვევაში არაადეკვატური განცხადებების კეთება, რიგ შემთხვევაში კი სწორი ნაბიჯების გადადგმა“, - აღნიშნა ნინო წილოსანმა.საქართველოს საგარეო საქმეთა მინისტრი მაკა ბოჭორიშვილი საქართველოში ევროკავშირის ელჩს, პაველ ჰერჩინსკის 9 დეკემბერს შეხვდა. შეხვედრის შემდეგ ელჩის მიმართ კრიტიკული განცხადებები გაკეთდა.