ჩვენ ყოველთვის ავიღებთ მაგალითს შეერთებული შტატებიდან, რომ საქართველოში ზიზღის პოლიტიკა დასრულდეს - გურამ მაჭარაშვილი

ჩვენ ყოველთვის ავიღებთ მაგალითს შეერთებული შტატებიდან, რომ საქართველოში ზიზღის პოლიტიკა დასრულდეს, - განაცხადა „ხალხის ძალის“ აღმასრულებელმა მდივანმა გურამ მაჭარაშვილმა ე.წ. ზიზღის კამპანიაზე საუბრისას.„ჩვენ ცივილიზებული სამყაროდან ვიღებთ მაგალითებს და რა თქმა უნდა, მათ შორის, შეერთებული შტატებიდან ყოველთვის ავიღეთ მაგალითს, რომ საქართველოში ზიზღის პოლიტიკა დასრულდეს. ეს ერთი და იგივე ხელწერაა, ჩვენ ხომ ვხედავთ. ამერიკაში დააკავეს პიროვნება, რომელიც ნიღბებს ურიგებდა აქციებზე ადამიანებს. წაუყენეს ბრალი სამოქალაქო დაპირისპირების და განხეთქილების შეტანაში“, - აღნიშნა მაჭარაშვილმა.