„ქვეყანაში ეკონომიკური მაჩვენებელი ურთულეს პერიოდში გავზარდეთ, ჩვენ მორალურად მართლები ვართ სამშობლოსა და საკუთარი ხალხის წინაშე“ - მამუკა მდინარაძე

დანილოვი იყო უშიშროების საბჭოს მდივანი და მან მოგვიწოდა, ქალები და ბავშვები შემოგვაშველეთ, ისინი დაიხოცონ ჩვენს ქალებთან და ბავშვებთან ერთადო, ეს რომ არ გავაკეთეთ, ამისთვის დღემდე დასჯის მცდელობა მიდის, – ამის შესახებ "ქართული ოცნების" აღმასრულებელმა მდივანმა, მამუკა მდინარაძემ განაცხადა.მისი თქმით, ვიდრე ომი არ დამთავრდება, მანამდე ეს რისკი იქნება.„ამ რისკის გამოსარიცხად, ჩვენ ყველაფერს გავაკეთებთ. ამავდროულად, ევროპაში პირველები ვართ ეკონომიკური ზრდის მაჩვენებლით, ამასაც ვახერხებთ, ამავდროულად ჩვენს სამშობლოს დავიცავთ. ეკონომიკური მაჩვენებელი სწორედ ამ ურთულეს პერიოდში გავზარდეთ ორნიშნა რიცხვამდე. ეს გვაძლევს სითამამის საფუძველს. ჩვენ მორალურად მართლები ვართ ჩვენი ქვეყნის, საკუთარი სამშობლოსა და საკუთარი ხალხის წინაშე. ამას ხვდება ხალხი, გრძნობს და ასე გავაგრძელებთ", – განაცხადა მდინარაძემ.