უჩა აბაშიძე: ეს აღიარა შაიშმელაშვილმაც – გდდ შევგზავნიდით პროვოკატორებსო, გაამწვავებდნენო და მერე მიზეზი გვეძლეოდა დასაშლელადო

ანუ ის ხო სრული უსამართლობა და უბედურებაა – რო მთავრობა კერავს სურათს, რო “აი, პოლიციელები დაშავდნენ. მერე რა რო წინა დღეს, მერე რა რო – ხელს ვერავის ადებენ, მერე რა რო – ამ ბიჭებს, კონკრეტულად, ვინმე დაეზიანებიოთ – მტკიცებულება არ გვაქ. ვინმე ხო უნდა დაისაჯოს? – ხოდა ამათ ვსჯით, ჯგუფურად!“

პროსტა ნებისმიერი 11 პოლიციელი რო მოვკრიბოთ და მომიტინგეების ცემისთვის, ჯგუფურად დავსაჯოთ – იმიტო რო ვინმე პოლიციელი ხო უნდა დასჯილიყო? – მაგას შვებიან ზუსტად.

მარა მე მინდა კიდევ 1 დონით უფრო ღრმა ცინიზმი დაგანახოთ:

სცენარი, ყველა აქციაზე, იყო იდენტური: იკრიბებოდა დიდი აქცია, წინ გზან გვიღობავდნენ ჩვეულებრივი პოლიციელები, დავუდგებოდით ჩვენ წინ, უშუალოდ – მხრებ-მიდებული. ვცდილობდით საუბარს. შორს, მათ უკან, დავინახავდით რო მოიყვანეს წყლის ჭავლის მანქანა და დგებიან ფარიანები.

არაფერი არ ხდებოდა. ყველა ჯერზე ასე იყო. ათასობით კაცი დამეთანხმება. პოლიციელებიც დამეთანხმებიან – ასჯერ ვდგავართ გვერდიგვერდ.

უცებ – ჩვენი აქციის სიღრმიდან – იწყებოდა ქვების სროლა!

პოლიცია იღრიალებდა – ნუ ისვრით!

ჩვენ ვღრიალებდით – ნუ ისვრით!! – ჩვენ გვხვდება! – ნუ ისვრით!

ეს იწყებოდა მხოლოდ მაშინ – როცა ფარები და მანქანა უკან მოწყობას დაასრულებდნენ.

პოლიციელები, ღრმად მათი ზურგიდან, დაიწყებდნენ – ქვების უკან სროლას, ჩვენთვის, ჩვენსკენ. იმათაც ვუღრიალებდით ნუ ისვრითო – ხალხიაო (და პოლიციელებსაც ხვდებოდათ). ამის მერე მოიყვანდნენ წინ ჭავლის მანქანას – ჩართავდნენ “დაიშალეთ“-ს და ყველაფერი გადაიზრდებოდა არეულობაში.

ასე ხდებოდა 10-დან 10-ჯერ.

ამაზე მაშინაც ვწერდი. ამის გამოსავლენად – რამდენიმე აქციაზე, სპეციალურად ვიდექი შეხების ზოლიდან 10-15 ადამიანის მერე და გამოვიჭირე – ვინ იწყებდა ქვების სროლას. ამაზე მაშინვე ვსაუბრობდი – ფიზიკური ჩხუბი მომივიდა, ამხელა, მშვიდ აქციაზე – გამოვიჭირე ვიღაც მასტი, რომელიც არ მპასუხობდა ვინ არის და რას წარმოადგენს. მერე გამისხლტა ჩოჩქოლში.

ამაზე ვიდეოც მქონდა – პროვოკატორებს, შემდეგზე დავიჭერ და პოლიციას გადავცემ – და მერე თქვენ არკვიეთ ვისკენ ხართ თქო (არ მეღირსა, დამიჭირეს)

წინა ამ თემაზე პოსტისას აღმოვაჩინე, რო ხალხს არ ესმის რას ნიშნავს პროვოკატორი. პროვოკატორი ქვია – დამწყებს, ვინც პროვოცირებას ახდენს, არეულობის – თორე მერე, ემოციების დუღილისას, ყველაფერი გასაგებია კაცო.

ძალიან, ძალიან დიდი სხვაობაა – ვინ იწყებს! – ქალები, ბავშვები რო დგანან – იქეთ მხარეს დაუჯავშნელი, ჩვეულებრივი პოლიცია და ვიღაც იწყებს ქვების სროლას – აქციის სიღრმიდან (და მხარს უბამს ვიღაც პოლიცია – პოლიციის რიგების უკნიდან)

ეს აღიარა შაიშმელაშვილმაც – გდდ შევგზავნიდით პროვოკატორებსო, გაამწვავებდნენო და მერე მიზეზი გვეძლეოდა დასაშლელადო (მოიძიეთ რომელიღაცა პირველ ინტერვიუშია).

სინამდვილე რაშია იცით?

ეგ პოლიციელები – ვინც მოჰყავთ და ქვა მოხვდათ, ხელს რო ვერავის ადებენ და საერთოდ წინა დღეს დაშავდნენ – ეგენი დაასახიჩრა ისევ გდდ-მ (სუსმა) შეგზავნილი აგენტი პროვოკატორების ხელით

ამაშია დამატებითი უკიდურესი ცინიზმი.

ჩვეულებრივი false flag ოპერაციით – გდდ-მ დააზიანა პოლიციელების ჯანმრთელობა – რო ჩვენი დაშლის მიზეზი შეექმნა. მერე დაიჭირეს წყლის ბოთლის – დაჯავშნული რობოკოპებისადმი გადამგდები ბიჭები – და ტენიან ამ პოლიციელების დაშავებას, მტკიცებულების გარეშე. თვითონ დალეწეს პოლიციელები, შემოგზავნილი პროვოკატორებით, გაწირეს მაგაზე, და ეხლა ამათ ტენიან

P.S. ეგ წყლის, ნახევრად დალეული ბოთლები საიდან ჩნდებოდა იცით? – მათთვის მოჰქონდათ, რობოკოპებისთვის, ნახევარს დალევდნენ და გვესროდნენ, მასე ჩნდებოდა ამდენი ბოთლი,” – წერს სოციალურ ქსელში ბლო­გე­რი უჩა აბა­ში­ძე ცი­ხი­დან.