უკრაინას არ უნდა აიძულონ ტერიტორიების დათმობა – ფრიდრიხ მერცი

გერმანიის კანცლერის, ფრიდრიხ მერცის თქმით, უკრაინას არ უნდა აიძულონ ტერიტორიების დათმობა, – ამის შესახებ მერცმა ჟურნალისტებს განუცხადა. მერცის თქმით, ეს საკითხი თეთრ სახლში აშშ-ის, უკრაინის პრეზიდენტებისა და ევროპელი ლიდერების შეხვედრაზე არ განხილულა.
მერცის თქმით, სუვერენულ სახელმწიფოს უბრალოდ არ შეუძლია ასეთი რამის გადაწყვეტა.
„მესამე ასპექტი, რომლის შესახებაც მინდა, ვისაუბრო და რომელიც ასევე არ განხილულა, არის ის, რომ უკრაინას არ უნდა აიძულონ ტერიტორიული დათმობები. რუსეთის მოთხოვნა, რომ კიევმა დონბასის თავისუფალ ნაწილებზე უარი თქვას, პერსპექტივაში რომ განვიხილოთ, ექვივალენტურია იმისა, რომ აშშ-ს ფლორიდაზე უარის თქმა მოუწიოს. სუვერენულ სახელმწიფოს უბრალოდ არ შეუძლია ასეთი რამის გადაწყვეტა. ეს არის გადაწყვეტილება, რომელიც უკრაინამ თავად უნდა მიიღოს მოლაპარაკებების მსვლელობისას“, – თქვა მერცმა.