უარი მხოლოდ „კოალიცია ცვლილებისთვის გვარამია მელია გირჩი დროა“ პარტიამ განაცხადა. დანარჩენები, გააგრძელებენ კანონის და არჩევნებზე მიღებული ხმების შესაბამისად ბიუჯეტიდან თანხის მიღებას - ნინო წილოსანი პარტიების დაფინანსებაზე

პარტიების დაფინანსების საკითხს პარლამენტის თავმჯდომარის მოადგილე სოციალურ ქსელში ეხმიანება. ნინო წილოსანი საარჩევნო სუბიექტების სიას და კონკრეტულ ციფრებს აქვეყნებს, რომლებიც კანონის და არჩევნებზე მიღებული ხმების შესაბამისად თანხას მიიღებენ.„მანამ, სანამ ვიღაცები პოლიტიკის ილუზორულ სამყაროში ცხოვრებას აგრძელებენ, პოლიტიკური პროცესები თავისი დინებით მიდის. ცესკოს ინფორმაციით, არჩევნების შედეგების მიხედვით, პარტიების დაფინანსებას 6 პარტია მიიღებს:„ქართული ოცნება - დემოკრატიული საქართველო“„ერთიანი ნაციონალური მოძრაობა“„გახარია საქართველოსთვის“„ლელო საქართველოსთვის“„საქართველოს პატრიოტთა ალიანსი“„ახალი პოლიტიკური ცენტრი - გირჩი“.უარი მხოლოდ „კოალიცია ცვლილებისთვის გვარამია მელია გირჩი დროა“ პარტიამ განაცხადა. დანარჩენები, გააგრძელებენ კანონის და არჩევნებზე მიღებული ხმების შესაბამისად ბიუჯეტიდან თანხის მიღებასდა ეს მაშინ, როცა სწორედ ეს პარტიები “ასირცხვილებენ” , მოუწოდებენ ბიზნესებსა და ადამიანებს გაიფიცონ და შემოსავლებზე უარი თქვან, შესაშური “მორალური”, რეალურად კი #ამორალურიოპოზიცია“, - წერს ნინო წილოსანი.