სიმონ ჯანაშია: დარწმუნებული ვარ, რომ ამ ხალხმა ამ სიტუაციის ირონია ვერც შეიგძნო, მაგრამ წარმომიდგენია რამდენი პატიოსანი ადამიანის თავში გაიელვა მაშინ ცნობილმა ფრაზამ – “გაიტანეთ”! (ვიდეო)

გუშინ, ელდარ შენგელაიას გასვენების წინ, პანაშვიდზე მისი ფილმები კიდევ ერთხელ გაცოცხლდა. სიონის ეზოში, პაპანაქებაში “შარვალ-კოსტუმებში” ჩაკვეტებულები, სახენაოპერაციები, საკუთარი კომპლექსების გადასაფარად დიდი შავი მანქანებიდან გადმოსული, საზოგადოებას მოწყვეტილი, მაგრამ ერთმანეთთან მჭიდროდ მდგომი, დაცვა და მედიაშემორტყმული ოფიციალური პირები სიონის ეზოში ჩართულ ცისფერი მთების მუსიკის თანხმლებით ასრულებდნენ პოლიტიკოსების როლს.

დარწმუნებული ვარ, რომ ამ ხალხმა ამ სიტუაციის ირონია ვერც შეიგძნო, მაგრამ წარმომიდგენია რამდენი პატიოსანი ადამიანის თავში გაიელვა მაშინ ცნობილმა ფრაზამ – “გაიტანეთ”! ეს სცენა რეჟისორის ალბათ უკანასკნელი შურისძიება იყო ჩვენ გარშემო არსებულ სიყალბესა და გროტესკულ რეალობაზე.