საყურადღებო ინფორმაცია! - პირველკლასელთა საყოველთაო რეგისტრაციის თარიღი ცნობილია

პირველკლასელთა საყოველთაო ონლაინ რეგისტრაცია 2025 წლის 22 მაისს დაიწყება და 17 ივნისის ჩათვლით გაგრძელდება.რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე registration.emis.ge. რეგისტრაციას უზრუნველყოფს მშობელი/კანონიერი წარმომადგენელი.აღსანიშნავია, რომ აქამდე პირველ კლასში დარეგისტრირება უკვე შეეძლოთ სპეციალური საგანმანათლებლო საჭიროების მქონე ბავშვებს და იმ მოსწავლეებს, რომელთა და-ძმაც სწავლობს სასურველ სკოლაში;რომელთა მშობელიც სასურველი სკოლის თანამშრომელია;რომელთა ოჯახიდანაც ერთდროულად ორი ან მეტი ბავშვი შედის პირველ კლასში. თუ წინა ეტაპებზე ბავშვის დარეგისტრირება ვერ მოახერხეთ, რეგისტრაციის მე-4 ეტაპიც გამოცხადდება. ამეტაპზე განხორციელდება დარჩენილ თავისუფალ ადგილებზე ან წინა ეტაპებზე გამოთავისუფლებულ ადგილებზე იმ მოსწავლეთა რეგისტრაცია, რომლებიც I, II და III ეტაპებზე ვერ დარეგისტრირდნენ, ან სურთ რეგისტრაციის შეცვლა.