საქსტატი: 2024 წლის აგვისტოში მშპ 12%-ით გაიზარდა

საქართველოს სტატისტიკის ეროვნული სამსახურის (საქსტატი) მიერ 30 სექტემბერს გამოქვეყნებული წინასწარი მონაცემებით, 2024 წლის აგვისტოში წინა წლის შესაბამის პერიოდთან შედარებით, ქვეყნის რეალური მთლიანი შიდა პროდუქტი (მშპ) 12%-ით გაიზარდა.

2024 წლის აგვისტოში წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: პროფესიული, სამეცნიერო და ტექნიკური საქმიანობები; ინფორმაცია და კომუნიკაცია; მშენებლობა; საფინანსო და სადაზღვევო საქმიანობები; უძრავ ქონებასთან დაკავშირებული საქმიანობები და ვაჭრობა. კლების ტენდენცია დაფიქსირდა ენერგეტიკის სექტორში.

„საქსტატის“ ინფორმაციით, მშპ-ს ზრდის იანვარ-აგვისტოს საშუალო მაჩვენებელი 10%-ია.

ასევე წაიკითხეთ:

• 18/09/2024 – საქსტატი: 2024 წლის მეორე კვარტალში მშპ 9.6%-ით გაიზარდა
• 30/08/2024 – საქსტატი: 2024 წლის ივლისში მშპ 13%-ით გაიზარდა
• 31/07/2024 – საქსტატი: 2024 წლის ივნისში მშპ 7.5%-ით გაიზარდა
• 28/06/2024 – საქსტატი: 2024 წლის მაისში მშპ 9.2%-ით გაიზარდა