საქართველოს საქმიანი ტურიზმის პოტენციალს კანადაში გაეცნენ

საქართველოს ტურიზმის ეროვნული ადმინისტრაციის საკონვენციო და საგამოფენო ბიურო კანადაში, ლეიქ-ლუისში, m&i Forum-ში მონაწილეობდა.ტურიზმის ეროვნული ადმინისტრაციის ინფორმაციით, საერთაშორისო ფორუმზე საქართველოს საქმიანი ტურისტული მიმართულების შესახებ პრეზენტაცია გაიმართა, 30-მდე შეხვედრა შედგა საერთაშორისო კომპანიების წარმომადგენლებთან, სადაც საქართველოში მასშტაბური ღონისძიებების, ფორუმებისა და კონგრესების შესაძლო ჩატარების საკითხები განიხილეს.m&i Forum-ში 100-ზე მეტი დანიშნულების მართვის ორგანიზაცია, სასტუმრო, სხვადასხვა ქვეყნის საკონვენციო ბიურო, ტურიზმის საბჭო, ავიაკომპანია და შეხვედრების ინდუსტრიის სხვა წარმომადგენელი მონაწილეობდა.