რა უნდა გავაკეთოთ ნაადრევი დაბერების თავიდან ასაცილებლად - ზაზა თელიას რეკომენდაციები

ექიმი, დერმატო-ვენეროლოგი და მედიცინის დოქტორი ზაზა თელია სოციალურ ქსელში საზოგადოებას ხშირად უზიარებს სასარგებლო და მნიშვნელოვან ინფორმაციას.მან ახლახან მორიგი პოსტი გამოაქვეყნა, სადაც კანის დაბერებასა და ამ პროცესის პრევენციულ ზომებზე ისაუბრა:„კანის დაბერებას უამრავი გამომწვევი მიზეზი აქვს, რომელთაგან ზოგიერთის გამოსწორება სრულად შესაძლებელია.არსებობს კანის დაბერების ორი სახე - ნატურალური და ნაადრევი.ნატურალური დაბერება (natural aging, “intrinsic aging”) - ის ბუნებრივი პროცესია, რომელსაც ვერაფერს მოუხერხებთ.ხოლო ნაადრევი დაბერება, რომელიც გარემო ფაქტორებითა და ცხოვრების წესით არის განპირობებული - სხვადასხვა ხერხით შეგიძლიათ შეაჩეროთ.რა სახის ზომები შეგიძლიათ მიიღოთ ნაადრევი დაბერების პრევენციისთვის?დაიცავით თქვენი თავი მზის სხივებისგან, რადგან ნაადრევ დაბერებაში ყველაზე დიდ როლს მზე თამაშობს. გამოიყენეთ SPF30, UVA+UVB ყოველდღიურად, არ აქვს მნიშვნელობა - სანაპიროზე იქნებით თუ სხვაგან;მზისგან დამცავის გამოყენება რეკომენდებულია მზეზე გასვლამდე 15 წუთით ადრე.არ გაირუჯოთ მზეზე ან სოლარიუმში.მზეზე გარუჯვისას, თქვენი კანი ნაადრევად ბერდება. სწორედ ამიტომ, რეკომენდებულია, კანის ფერის გასამუქებლად გამოიყენოთ ავტო-გასარუჯი საშუალება (self-tanner)არ მოიხმაროთ თამბაქომოწევა აჩქარებს დაბერების პროცესს (არამხოლოდ კანის, არამედ მთელი ორგანიზმის) და აჩენს ნაოჭებს.თავიდან აირიდეთ სახის ხშირი მიმიკების მიღება - კუნთების შეკუმშვით სახეზე ხაზები ჩნდება.გამოიყენეთ მზის სათვალე მზეზე ყოფნისას.მიირთვით ჯანსაღი საკვებისხვადასხვა კვლევამ დაადგინა, რომ დიდი რაოდენობით ჯანსაღი ხილისა და ბოსტნეულის მიღებით კანის დაზიანების პროცესი ნელდება.გაითვალისწინეთ ისიც, რომ იმ საკვების მიღება, რომელიც შეიცავს დიდი რაოდენობით შაქარსა და რაფინირებულ ნახშირწყლებს, აჩქარებს დაბერების პროცესს.შეამცირეთ ალკოჰოლის მიღება, რათა თავიდან აირიდოთ კანის დეჰიდრატაციის პროცესი.გაიწმინდეთ, დაიბანეთ კანი ნაზად, მსუბუქი დასაბანით (gentle-cleanser)მაგალითად - სკრაბმა შესაძლოა კანი გაგიღიზიანოთ, სწორედ ამიტომ, მისი გამოყენება რეკომენდებული არ არის. კანის გაღიზიანება აჩქარებს დაბერების პროცესს.ნაზი დაბანა კი გეხმარებათ მოიშოროთ კანიდან ჭუჭყი, მაკიაჟი ან ის სხვა ნივთიერებები, რომლებმაც, შესაძლოა, თქვენი კანი გააღიზიანოს.დაიბანეთ სახე დღეში 2-ჯერ (გაოფლიანების შემდეგაც)ქუდმა, ჩაფხუტმა ან სხვა ნივთმა შესაძლოა გააოფლიანოს სახის კანი. გაოფლიანების შემდგომ, სახე რაც შეიძლება სწრაფად უნდა დაიბანოთ.გამოიყენეთ სახის დამატენიანებელი ყოველდღიურად.ის „კეტავს“ წყალს კანში, ატენიანებს და იცავს მას გარე გამაღიზიანებლებისგან. ასე კი, კანი უფრო ახალგაზრდულად გამოიყურება.არ გამოიყენოთ ის კოსმეტიკური პროდუქტები, რომლებიც ჩხვლეტის ან წვის შეგრძნებას იწვევს.შეგიძლიათ დაგეგმოთ ბოტულინო-ტოქსინის ინექცია მიმიკური ნაოჭების განვითარების პრევენციის მიზნით. ის ერთ-ერთი ყველაზე უსაფრთხო ინექციური პროცედურაა კოსმეტოლოგიაში.ასევე, შეგიძლიათ, დაგეგმოთ ბიორევიტალიზაცია ჰიალურონის მჟავით და/ან კანის აუგმენტაცია დროებითი ან ნახევრად-მუდმივი ფილერით.გამოიყენეთ ადგილობრივი Retinoid (რეთინოიდი) ან Retinol (რეთინოლი) - მხოლოდ და მხოლოდ დერმატოლოგის რეკომენდაციითა და სიფრთხილით“,- ნათქვამია ინფორმაციაში.