„საქართველოს მელიორაციის“ გენერალური დირექტორი კახეთში რწყვის მიმდინარეობის საკითხებს გაეცნო

 შპს „საქართველოს მელიორაციის“ გენერალურმა დირექტორმა გიგლა თამაზაშვილმა, კომპანიის წარმომადგენლებთან ერთად, თელავისა და ახმეტის მუნიციპალიტეტებში ილტოს, ნაურდლის, ზემო ალაზნის სათავე ნაგებობებიდა სამელიორაციო არხები დაათვალიერა და მათ გამართულ ფუნქციონირებასთან დაკავშირებულ საკითხებს გაეცნო. ინფორმაციას შპს „საქართველოს მელიორაცია“ ავრცელებს.გენერალურმა დირექტორმა არსებულ საჭიროებებზე მოისმინა ინფორმაცია. როგორც გიგლა თამაზაშვილმა განაცხადა, ქვეყანაში სასოფლო-სამეურნეო წარმოების ზრდისთვის გამართული სარწყავი ინფრასტრუქტურა ერთ-ერთ აუცილებელი წინაპირობა. კომპანია სამელიორაციო ინფრასტრუქტურის მოწესრიგების მიზნით არაერთ პროექტს ახორციელებს.აღსანიშნავია, რომ 2012-2024 წლებში კახეთში განხორციელებული სამელიორაციო ინფრასტრუქტურული პროექტების შედეგად, დამატებით წყალუზრუნველყოფილია 20 140 ჰექტარი სასოფლო-სამეურნეო მიწის ფართობი, სარწყავი წყლის მიწოდება 16 285 ჰექტარზე გაუმჯობესდა, ხოლო დრენირებული მიწის ფართობის რაოდენობა 8725 ჰექტარს შეადგენს.