საქართველოს დელეგაცია სამდღიან საერთაშორისო საგანმანათლებლო გამოფენაში APAIE 2025 მონაწილეობს

განათლების, მეცნიერებისა და ახალგაზრდობის მინისტრის ალექსანდრე წულაძის ხელმძღვანელობით საქართველოს დელეგაცია სამდღიან საერთაშორისო საგანმანათლებლო გამოფენაში "APAIE 2025" მონაწილეობს, რომელიც ინდოეთის დედაქალაქ ნიუ-დელიში იმართება.გამოფენა აზიისა და წყნარი ოკეანის საერთაშორისო განათლების ასოციაციის ორგანიზებით ტარდება და საქართველო მასში მონაწილეობას განათლების, მეცნიერებისა და ახალგაზრდობის სამინისტროს პროექტ Education In Georgia-ს ფარგლებში იღებს.პროექტის მთავარი მიზანია საქართველოში მოქმედი უნივერსიტეტების ხელშეწყობა საერთაშორისო საგანმანათლებლო ურთიერთობების განვითარების, უცხოელი სტუდენტების მოზიდვისა და ქართველი სტუდენტებისთვის მეტად მრავალფეროვანი პროგრამების შეთავაზების კუთხით.წელს გამოფენაში 70-მდე ქვეყანა იღებს მონაწილეობას საგამოფენო სივრცეში არიან წარმოდგენილნი ქართული უნივერსიტეტებიც.