როდესაც ევროპარლამენტარებს უჩნდებათ იდეები, რომ მათთვის პოლიტიკურად მიუღებელ ადამიანებს ქონება ჩამოართვან, ეს არის ღრმად საბჭოთა აზროვნება, რომელმაც ევროკავშირში ძალიან მოიდგა ფეხი - შალვა პაპუაშვილი

როდესაც ევროპარლამენტის წევრებს უჩნდებათ იდეები, რომ პოლიტიკურად მათთვის მიუღებელ ჯგუფებს ან ადამიანებს შეიძლება, ქონებები ჩამოართვან, ეს სხვა არაფერია, თუ არა ღრმად საბჭოთა აზროვნება, რომელმაც ევროკავშირში ძალიან მოიდგა ფეხი, – ამის შესახებ საქართველოს პარლამენტის თავმჯდომარემ ევროპარლამენტარ მიხაელ გალერის განცხადებაზე კომენტარისას აღნიშნა.შალვა პაპუაშვილის თქმითვე, ეს არ არის პირველი შემთხვევა, როდესაც მიხაელ გალერი თავს ესხმის საქართველოს სახელმწიფოს."ვიცით სხვა მისი განცხადებებიც. ერთადერთი, მე რატომაც გამოვეხმაურე იყო ის, რომ ხანდახან არის ხოლმე საუბარი, რომ საბჭოთა კავშირს ნუ გვადარებთო და ყველას შევახსენებ, რომ კონფისკაცია, ექსპროპრიაცია ახასიათებდა ორ იდეოლოგიას – კომუნიზმს და ფაშიზმს. ასე რომ, დიახაც, როდესაც ასეთი იდეები უჩნდებათ თავში ევროპარლამენტის წევრებს, რომ პოლიტიკურად მათთვის მიუღებელ ჯგუფებს ან ადამიანებს შეიძლება, ქონებები ჩამოართვან, კონფისკაციები ჩაატარონ და ექსპროპრიაციები, ეს სხვა არაფერი არ არის, თუ არა ღრმად საბჭოთა აზროვნება, რომელმაც ევროკავშირში ძალიან მოიდგა ფეხი. მათ შორის იმის წყალობით, რომ ჩვენ ვხედავთ რამდენიმე პოსტსაბჭოთა რესპუბლიკას, რომელიც ევროკავშირის წევრია. საბჭოთა მენტალიტეტის პოლიტიკურ ელიტებს ყოფილ საბჭოთა რესპუბლიკებში, რომელიც, როგორც ჩანს, ვირუსივით შეესია, გადაედო ზოგიერთს ევროკავშირში და გავლენას ახდენს მათ განცხადებებზე", - აღნიშნავს პაპუაშვილი.ცნობისთვის, ევროპარლამენტარმა მიხაელ გალერმა განაცხადა, რომ "ორბანი თუ ბლოკავს ევროკავშირის ზომებს, აღმასრულებლის მხრიდან იქნებ იყოს კოორდინაცია დარჩენილ წევრ სახელმწიფოებთან, რომ მიიღონ ზომები ივანიშვილის წინააღმდეგ.