რადიკალურ ოპოზიციას მიღებული აქვს ინსტრუქციები, სცენარი და ყველაფერს აკეთებს იმისთვის, რომ ეს სცენარი მოიყვანოს სისრულეში - ირაკლი კირცხალია 26 ოქტომბრის არჩევნებზე

"ქართული ოცნების" ერთ-ერთი ლიდერის, ირაკლი კირცხალიას განცხადებით, უცხოეთიდან პირდაპირი სცენარია ჩამოსული იმისთვის, რომ, სალომე ზურაბიშვილის ხელმძღვანელობით, "კოლექტიურმა ნაცმოძრაობამ", არჩევნების შემდეგ, 2020 წლის სცენარი განავითაროს.როგორც ირაკლი კირცხალიამ "დღის კურიერის" ეთერში განმარტა, რადიკალურ ოპოზიციას მიღებული აქვს ინსტრუქციები, სცენარი და ყველაფერს აკეთებენ იმისთვის, რომ ეს სცენარი მოიყვანონ სისრულეში."აბსოლუტურად ყველა მათი ქმედება და არა მხოლოდ მათი, თუნდაც მაკკეინის წერილი მიუთითებს, რომ პირდაპირი სცენარი ჩამოვიდა. და, ეს სცენარი იქნება სახელმძღვანელო "კოლექტიური ნაცმოძრაობის" პრეზიდენტის, სალომე ზურაბიშვილის ხელმძღვანელობით. ყოველ შემთხვევაში, ცდილობენ, რომ ხელმძღვანელი იყოს. კარგად ვხედავთ, რა შიდა დაპირისპირებებიც არის ამ ყოვლად არაკონსტიტუციური და სამართალდამრღვევი ადამიანის ირგვლივ. მათი ლობისტები ცდილობენ, რომ სალომე ზურაბიშვილი ამათ ჩამოუყალიბონ ლიდერად, რომ გაეერთიანებინა ისინი ამ რაღაც ქარტიით. არჩევნებამდე ორი კვირით ადრე გამოიყვანეს და სალომე ზურაბიშვილს განაცხადებინეს, რომ პრეზიდენტის სასახლე უნდა გადააქციოს "კოლექტიური ნაცმოძრაობის" შტაბად, მიღებული აქვთ ინსტრუქციები, სცენარი და ყველაფერს აკეთებენ იმისთვის, რომ ეს სცენარი მოიყვანონ სისრულეში", - განაცხადა ირაკლი კირცხალიამ.