პროტესტის 22-ე დღე - პარლამენტთან აქცია მიმდინარეობს

პროტესტის 22-ე დღე - თბილისის ცენტრში აქცია ამ წუთებშიც მიმდინარეობს. რესპუბლიკის მოედნიდან დაწყებული მსვლელობა, რუსთაველის გამზირზე შეკრებილ აქციის მონაწილეებს შეუერთდა. პროტესტი მშვიდობიან ფორმატში მიმდინარეობს.მოთხოვნები უცვლელია: დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები. აქციის მონაწილეები იმ პირების დასჯასაც ითხოვენ, ვინც მოქალაქეებზე და ჟურნალისტებზე იძალადეს.ამ დროისთვის რუსთაველის გამზირზე საავტომობილო მოძრაობა შეზღუდულია.