პრეზიდენტს არ აქვს პარტიის წევრობის უფლება, მასთან კონსულტაციებში მონაწილე პარტიების გადასაწყვეტია, დათანხმდებიან თუ არა, რომ ზურაბიშვილი იყოს მათი არაფორმალური მმართველი - რატი ბრეგაძე

საქართველოს იუსტიციის მინისტრის რატი ბრეგაძის განცხადებით, საქართველოს კონსტიტუციის თანახმად, პრემიერ-მინისტრის კანდიდატურას პარლამენტს წარუდგენს ის პოლიტიკური პარტია, რომლესაც არჩევნებში საუკეთესო შედეგი ექნება.ბრეგაძის თქმით, კონსიტიტუციის თანხმად, სალომე ზურაბიშვილს არ აქვს პოლიტიკური პარტიის წევრობის უფლება და ტექნიკური მთავრობის წარდგენაზე განცხადებები სრულიად გაუგებარია.„ადამიანს როცა არ აქვს პოლიტიკური პარტიის წევრობის უფლება და მონაწილეობს ამ პროცესებში, მათ შორის ოპოზიციური პარტიების გარკვეული წარმომადგენლები ამ საკითხებზე მას ხვდებიან, მსჯელობენ მთავრობის დასახლებაზე, პრემიერ-მინისტრის კანდიდატურის წარდგენაზე, გამოდის, რომ ქალბატონი პრეზიდენტი გამხდარა არაფორმალური მმართველი. მსგავსი ტიპის კონსულტაციებში მონაწილე პოლიტიკური პარტიების გადასაწყვეტია, დათანხმდებიან თუ არა, რომ პრეზიდნეტი იყოს მათი არაფორმალური მმართველი“, – აღნიშნა რატი ბრეგაძემ.საქართველოს პრეზიდენტმა, სალომე ზურაბიშვილმა 12 ოქტომბერს განაცხადა, ტექნიკურ მთავრობას არჩევნებამდე დაასახელებს.