პრეზიდენტმა დიპლომატებთან საგანგებო შეხვედრა ჩანიშნა

საქართველოს პრეზიდენტმა სალომე ზურაბიშვილმა დიპლომატიური კორპუსის წარმომადგენლებთან საგანგებო შეხვედრა ჩანიშნა. ამის შესახებ ინფორმაციას პრეზიდენტის პრესსამსახური ავრცელებს. მათივე ცნობით, შეხვედრა ორბელიანების სასახლეში გაიმართება. ცნობისთვის, მანამდე საქართველოს პრემიერ-მინისტრმა ირაკლი კობახიძემ „ქართული ოცნების“ სახელით, ევროკავშირს განცხადებით მიმართა. მმართველი პარტიის გადაწყვეტილებით, 2028 წლის ბოლომდე, ევროკავშირთან მოლაპარაკებების გახსნის საკითხი დღის წესრიგში არ დადგება.