პარლამენტში დღეს „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი" დროებითი საგამოძიებო კომისიის რიგით მეორე სხდომა გაიმართება

პარლამენტში დღეს „ქართული ოცნების" ინიციატივით შექმნილი „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი" დროებითი საგამოძიებო კომისიის რიგით მეორე სხდომა გაიმართება. კომისიის წევრები რამდენიმე პირს მოუსმენენ. როგორც ცნობილია, საგამოძიებო კომისია, იუსტიციის სამინისტროს წარმომადგენელს 2003-2012 წლების განმავლობაში მომხდარ კანონდარღვევებზე წარმოებული საერთაშორისო დავებისა და საერთაშორისო სამართლებრივი ურთიერთობების შესახებ მოუსმენს. ასევე, სხდომაზე მიწვეულია ცენტრალური საარჩევნო კომისიის წარმომადგენელი, რომელსაც 2003-2012 წლებში გამართული საპარლამენტო, საპრეზიდენტო და ადგილობრივი თვითმმართველობის არჩევნების შესახებ ისაუბრებს.გარდა ამისა, დაგეგმილია გენერალური პროკურატურის წარმომადგენლის მოსმენა 2003-2012 წლებში მართლმსაჯულების სისტემაში დაშვებული ხარვეზების თაობაზე ნაწარმოები სისხლის სამართლის საქმეების შესახებ. აგრეთვე, დაგეგმილია, შინაგან საქმეთა სამინისტროს წარმომადგენლის მოსმენაც, რომელიც 2003-2012 წლების პერიოდში მომხდარ კანონდარღვევებთან დაკავშირებით ისაუბრებს.მმართველი გუნდის განმარტებით, აღნიშნული არა ნაციონალური მოძრაობის მიმართ ანგარიშსწორება, არამედ საჭიროებაა, რომელმაც ქვეყანას მშვიდობა უნდა შეუნარჩუნოს და ნათელი მოფინოს სისხლიან 9 წლიან მმართველობას. შეგახსენებთ, საგამოძიებო კომისიაში რვა წევრია და ისინი ექვსი თვე თეა წულუკიანის ხელმძღვანელობით იმუშავებენ, რათა სამართლებრივი რეაგირებისთვის პროკურატურას შესაბამისი დასკვნით მიმართონ.