მუნიციპალურმა ინსპექციამ კიდევ ერთი გაფრთხილება მისცა ერისთავის 26-ს ნომერში მდებარე კერძო შენობის მესაკუთრეებს - მათ ავარიული ნაგებობა ერთ კვირაში უნდა დატოვონ

მუნიციპალურმა ინსპექციამ კიდევ ერთი გაფრთხილება მისცა ერისთავის 26-ს ნომერში მდებარე კერძო შენობის მესაკუთრეებს. მათ ავარიული ნაგებობა ერთ კვირაში უნდა დატოვონ.მერიის ინფორმაციით, პირველადი შეფასებით, შენობას მეოთხე ხარისხის დაზიანება აქვს. მესაკუთრეები შენობის დატოვებაზე უარს ამბობენ."ჩვენ დღეს ჩავაბარებთ ამ მითითებებს, მათ განესაზღვრებათ 7 კალენდარული დღე, რათა კონკრეტული ღონისძიებები განახორციელონ თავიანთი შესაძლებლობის ფარგლებში. მათ შორის, ერთ-ერთ ღონისძიებად შეიძლება ჩაითვალოს ფუნქციონირების დროებითი შეზღუდვა, რათა შენობა-ნაგებობაში არ მოხვდნენ მოქალაქეები, ვინაიდან აღნიშნული შენობა არის რისკის შემცველი", - განაცხადა თბილისის მუნიციპალური ინსპექციის უფროსმა გიორგი ჩიქოვანმა.