მომიტინგეები გმირთა მოედნისკენ მსვლელობას მართავენ

მომიტინგეები კოსტავას ქუჩიდან გმირთა მოედნის მიმართულებით მსვლელობას მართავენ. როგორც აქციის მონაწილეებმა გააჟღერეს, ისინი პროტესტის გაგრძელებას სწორედ გმირთა მოედანზე აპირებენ.მანამდე ისინი რუსთაველის თეატრის წინ იყვნენ შეკრებილი, სადაც ხელოვნური ბარიკადები ჰქონდათ აღმართული.მას შემდეგ, რაც რუსთაველის გამზირზე მომიტინგეთა დაშლის ღონისძიება დაიწყო, აქციის მონაწილეებმა რესპუბლიკის მოედნისკენ დაიხიეს, სადაც სპეცრაზმი დახვდათ. დემონსტრანტებმა გეგმა შეცვალეს და კოსტავას ქუჩის მიმართულებით დაიძრნენ, სადაც ხელოვნური ბარიკადები აღმართეს.ამ დროისთვის, რუსთაველის გამზირზე აქციის მონაწილეები აღარ იმყოფებიან.