მიზანია, რომ ყველა იმ კითხვაზე გაეცეს პასუხი, რომელიც ამდენი წლის განმავლობაში დარჩა უპასუხოდ - ილია ინჯია საგამოძიებო კომისიაზე

პარლამენტში საგამოძიებო კომისიის პირველი სხდომა მიმდინარე კვირას გაიმართება. უკვე განისაზღვრა კვოტები და საგამოძიებო კომისიაში უმრავლესობის დეპუტატებთან ერთად ჩართული იქნებიან "ხალხის ძალისა" და "ევროპელი სოციალისტების" წარმომადგენლები.საპარლამენტო პოლიტიკური ჯგუფის "ევროპელი სოციალისტები" თავმჯდომარის, ილია ინჯიას განცხადებით, საგამოძიებო კომისია საზოგადოებაში დაგროვებულ ყელა კითხვას გასცემს პასუხს."მიზანია, რომ ყველა იმ კითხვაზე გაეცეს პასუხი, რომელიც ამდენი წლის განმავლობაში დარჩა უპასუხოდ. ძალიან დიდი ინტერესია საზოგადოებისგანაც, რომ ვიცოდეთ სიმართლე - რა მოხდა? 2008 წლის ომი ძალიან მძიმე იყო ჩვენი ქვეყნისთვის და ყველაფერი უნდა გავარკვიოთ იმისთვის, რომ მსგავსი რამე მეორედ არ დაგვემართოს", - განაცხადა ილია ინჯიამ.