მამუკა მდინარაძე: სულ რაღაც 65 წამში, სალომე ზურაბიშვილმა გვაჩუქა 5 სიმბოლური და პრაქტიკული აღიარება - მადლობა, ქალბატონო სალომე, ასეთი ლაკონიური გულწრფელობისთვის

სულ რაღაც 65 წამში, სალომე ზურაბიშვილმა გვაჩუქა 5 სიმბოლური და პრაქტიკული აღიარება, - წერს სოციალურ ქსელში „ქართული ოცნების“ აღმასრულებელი მდივანი მამუკა მდინარაძე, რომელიც სალომე ზურაბიშვილის საუბრის ვიდეოჩანაწერს აზიარებს.„უნიკალური ვიდეო!სულ რაღაც 65 წამში, სალომე ზურაბიშვილმა გვაჩუქა 5 სიმბოლური და პრაქტიკული აღიარება:1. საერთო პატრონის მიუხედავად, ოპოზიციურ პარტიებს ელემენტარული შეთანხმების მიღწევაც კი ძალიან უჭირთ (წარმატების შანსიც რომ ჰქონდეთ, კოალიციის მაგივრად მივიღებთ ქაოსს).2. ⁠ოპოზიციაში არ არსებობს ძალა, რომელსაც აქვს გამარჯვებასთან მიახლოების თეორიული შანსიც კი.3. ⁠„გამოკვლევებული“ ოთხი პარტიიდან ოთხივე დაახლოებით ერთი წონისაა (რაც ნიშნავს, რომ ბარიერს მიღმა ნაცმოძრაობაც შეიძლება ვიხილოთ. ისეთ რისკზე მიდიან, ხუთიანის ბანერებსაც არ აკვრევინებენ - ოღონდ სხვებმა ბარიერი გადალახონ, რაც, მაგალითად, გახარიას შემთხვევაში პრაქტიკულად გამორიცხულია).4. ⁠სააკაშვილის, გვარამიას, ხაზარაძის და გახარიას პარტიები მოქმედებენ საერთო გეგმით.5. ⁠ამ ოთხი პარტიის საერთო მიზნის ქვეშ გაერთიანებაც (ქარტიაზე ხელმოწერა) გარე ძალების დამსახურებაა.მადლობა, ქალბატონო სალომე, ასეთი ლაკონიური გულწრფელობისთვის, ან წამოცდენებისთვის, თქვენ უფრო იცით...“, - წერს მამუკა მდინარაძე.