ლევან მაჭავარიანი: მოვუწოდებთ ISFED-ს, რაც შეიძლება მალე გაასაჯაროონ ანგარიში

ფრაქცია „ქართული ოცნების“ თავმჯდომარის მოადგილე ლევან მაჭავარიანი ISFED-ს არჩევნების შესახებ ანგარიშის გასაჯაროებისკენ მოუწოდებს.„ძალიან დიდი დრო გავიდა. ოფიციალურ დასკვნას არ ასაჯაროებენ. ჩვენ მათი პოსტი ვიხილეთ - რაღაც პოსტი იყო, რომ კი ბატონო, ვეთანხმებით ცესკოს, ყველაფერი სწორად აქვს დათვლილიო. თუმცა, მაინც რაღაც ბუნდოვანება დატოვეს და, შესაბამისად, მოვუწოდებთ, რაც შეიძლება მალე გაასაჯაროონ ანგარიში“, - აცხადებს მაჭავარიანი.ISFED-ში განაცხადეს, რომ მათ მიერ ხმების პარალელური დათვლის შედეგების ვერიფიკაცია შეესაბამება ცესკო-ს მიერ გამოცხადებულ შედეგებს, თუმცა ორგანიზაცია თავისი შედეგების გამოქვეყნებაზე უარს აცხადებს.