"იქ, სადაც იზღუდება სიტყვისა და გამოხატვის თავისუფლება, ბრიტანული კანონმდებლობა და BBC-ის სტანდარტი ვერ იმუშავებს" - გიორგი კაპანაძე

დღეს პარლამენტმა პირველი მოსმენით უნდა განიხილოს მაუწყებლის შესახებ კანონში შესატანი ცვლილებები.ოპოზიციის წარმომადგენლები ამბობენ, რომ კანონის მიზანი კრიტიკული მედიის გაჩუმებაა. მათ მიაჩნიათ, რომ ქართულ მედიაში ბრიტანული სტანდარტი ვერ იმუშავებს."მედიის კანონმდებლობის რეგულირების არსი არის რეპრესიული იმიტომ, რომ მისი მიზანი არის კრიტიკული მედიის გაჩუმება, მისი მიზანი არის სიტყვისა და გამოხატვის თავისუფლების შეზღუდვა. იქ, სადაც იზღუდება სიტყვისა და გამოხატვის თავისუფლება, ვერ იმუშავებს ბრიტანული კანონმდებლობა და ვერ იმუშავებს BBC-ის სტანდარტი", - აცხადებს პარტია ენმ-ს პოლიტსაბჭოს წევრი გიორგი კაპანაძე.