ირაკლი პეტრიაშვილი: „ნაცმოძრაობის“ დროს არცერთი სასამართლო პროცესი არ მოგვიგია. ახლა როდის წავაგე სასამართლო არ მახსოვს

თავისუფალი სასამართლოც გვაქვს ახლა შრომასთან დაკავშირებით, შრომის ინსპექციაც გვაქვს. ამ ყველაფერს გაუმჯობესება რომ უნდა, საამისო რესურსიც არის, - განაცხადა გადაცემაში „არჩევანის პირისპირ“ საქართველოს პროფესიული კავშირების გაერთიანების თავმჯდომარემ ირაკლი პეტრიაშვილმა. მან ამ მხრივ „ნაციონალური მმართველობის დროს არსებული ვითარება გაიხსენა.„შემიძლია ხვალვე განახოთ მთელი დასტა იმისა, რომ [„ნაციონალური მოძრაობის“ მმართველობის დროს] არცერთი სასამართლო პროცესი არ მოგვიგია. ახლა როდის წავაგე სასამართლო - და პროფკავშირებზე მეტ სასამართლო დავებს არცერთი ორგანიზაცია არ აწარმოებს შრომით დავებთან დაკავშირებით, არც მახსოვს. სასამართლო დავების 97-98% მოგებული გვაქვს, იმიტომ, რომ საკანონმდებლო ბაზა შეიქმნა. სწორედ ისე, როგორც ჩაიწერა ასოცირების ხელშეკრულებაში, რომელთან დაკავშირებითაც საზოგადოებამ უდიდესი ძალისხმევა გაწია“, - განაცხადა პეტრიაშვილმა.