ირაკლი კობახიძის ოფიციალური ვიზიტი ალბანეთში დღეიდან იწყება

დღეიდან იწყება საქართველოს მთავრობის მეთაურის ოფიციალური ვიზიტი ალბანეთში. ევროპული საბჭოს, ევროკომისიის, ევროპარლამენტის პრეზიდენტები, გერმანიის კანცლერი, საფრანგეთის პრეზიდენტი, დიდი ბრიტანეთის პრემიერი და კიდევ 40-ზე მეტი სახელმწიფოს ლიდერი დღეს ალბანეთის დედაქალაქში ევროპული პოლიტიკური გაერთიანების რიგით მეექვსე სამიტზე შეიკრიბებიან.ირაკლი კობახიძე სამიტში მონაწილეობას ევროპული საბჭოს პრეზიდენტის მიწვევით მიიღებს. საქართველოს პრემიერ-მინისტრი ასევე მონაწილეობას მიიღებს მრგვალი მაგიდის ფორმატში გასამართ დისკუსიაში.ტირანას სამიტის მთავარი თემა უკრაინის ომია, თუმცა ლიდერები ასევე ისაუბრებენ კონტინენტის ეკონომიკურ უსაფრთხოებაზე, არალეგალურ მიგრაციაზე და ევროპის ენერგეტიკულ გამოწვევებზე.