ვეშაპმა, რომელიც, რამდენიმე დღეა, მკვდარ ნაშიერს გვერდიდან არ შორდება, მსოფლიო მედიის ყურადღება მიიპყრო (კადრები)

აშშ-ში, ვაშინგტონში, ვეშაპებზე დაკვირვების ცენტრში, რამდენიმე დღეა, ვეშაპი თავის მკვდარ ნაშიერს არ შორდება. შემთხვევას სტატიას უძღვნის Associated Press-ი. მედიის ცნობით, დედა მკვდარ შვილს “გლოვობს” და მის სხეულს “ეთამაშება” – ძუძუმწოვარი სახელად J35 ნაშიერის სიახლოვეს ყვინთავს და გამუდმებით მის ირგვლივ ცურავს.
ეს არაა პირველი შემთხვევა, როდესაც J35-მა მსოფლიო მედიის ყურადღება მიიპყრო – 2018 წელსაც, ის სამწუხარო ამბით მოექცა წამყვანი გამოცემების პირველ გვერდზე – ვეშაპი მაშინაც, 2 კვირის განმავლობაში, მკვდარ შვილს არ შორდებოდა.
J35-მა სულ 4 შვილი გააჩინა. მათგან ორი მოუკვდა.
წყარო: რუსთავი 2