ეს დღე არის თავისუფლების, ღირსების დაბრუნების დღე და ჩვენ ასე გავაგრძელებთ ჩვენს პოლიტიკურ საქმიანობას - გიორგი კახიანი

ის უმძიმესი რეჟიმი, რომელმაც ბევრი სისასტიკე, უბედურება მოუტანა ჩვენს ქვეყანას სხვადასხვა მიმართულებით, დასრულდა და იმ მომენტიდან დაიწყო ქვეყნის დემოკრატიული განვითარება, - განაცხადა პარლამენტის თავმჯდომარის მოადგილე გიორგი კახიანმა.„ამ განვითარებაში ძალიან დიდი დამსახურება აქვს ბატონ ბიძინა ივანიშვილს, „ქართულ ოცნებას“ და მოსახლეობას, რომელიც მაშინ გვერდში დაუდგა ჩვენს პარტიას.ეს დღე არის თავისუფლების, ღირსების დაბრუნების დღე და ჩვენ ასე გავაგრძელებთ ჩვენს პოლიტიკურ საქმიანობას. ქვეყანა ვითარდება, ამ პერიოდის შემდეგ ჩვენ ყველა მიმართულებით გვაქვს პროგრესი და განვითარება, მიუხედავად იმ უმძიმესი სურათისა, რომელიც ბოლო პერიოდში ჩვენს რეგიონშია“, - აღნიშნა კახიანმა.