ეს აქცია მცირერიცხოვანია, ბევრად მეტი ადამიანი უნდა მონაწილეობდეს – გოგლა ჟვანია თბილისში მიმდინარე ეგრეთწოდებულ “მარშზე”

ჩვენზე, ქართულ საზოგადოებაზეა დამოკიდებული, როგორ ქვეყანაში ვიცხოვრებთ ხვალ. ეს აქცია მცირერიცხოვანია, ბევრად მეტი ადამიანი უნდა მონაწილეობდეს ასეთ აქციებში, – ამის შესახებ ზურაბ ჟვანიას ძმამ, გოგლა ჟვანიამ განაცხადა, რომელიც მარშში სახელწოდებით “მე ვარ ქართველი, მაშასადამე ევროპელი” მონაწილეობს და მარშის მონაწილეებთან ერთად, ევროკავშირის წარმომადგენლობისკენ მიემართება.
ჟვანიას თქმით, მას ამ აქციაში მონაწილეობა დაკავებულმა ზვიად ცეცხლაძემ სთხოვა.
“ამ აქციაში მონაწილეობა მთხოვა ზვიად ცეცხლაძემ, სინდისის პატიმარმა და ასეთი 60-ზე მეტი ადამიანი იტანჯება დღეს საპატიმროში. ესენი ჩვენი შვილები არიან და ყველა ქართველმა უნდა გააცნობიეროს.” – განაცხადა გოგლა ჟვანიამ.