“ენრიკე ამის გამო კვარაცხელიაზე ძალიან ნერვიულობდა” – პსჟ-ს პრეზიდენტმა ხვიჩას შესახებ აქამდე უცნობი ამბავი მოყვა

„პარი სენ-ჟერმენის“ პრეზიდენტმა, ნასერ ალ-ხელაიფიმ ჩემპიონთა ლიგის თასი დოჰაში ჩაიტანა და ერთ-ერთ სატელევიზიო შოუს ესტუმრა. პარიზელთა პირველმა პირმა საინტერესო ისტორია გაიხსენა, რომელიც ხვიჩა კვარაცხელიას უკავშირდება. ალ-ხელაიფის თქმით, ფინალამდე ორი დღით ადრე, საკუთარ საწვრთნელ ბაზაზე, პსჟ-მა დახურულ კარს მიღმა ივარჯიშა.

ქართველი ფეხბურთელი თანაგუნდელს შეეჯახა და ლუის ენრიკე და სამწვრთნელო შტაბის წევრები აანერვიულა. „მადლობა ღმერთს, რომ მოტეხილობა არ ყოფილა“, – განაცხადა ალ-ხელაიფიმ სატელევიზიო შოუში.

„პარი სენ-ჟერმენის“ პრეზიდენტის თქმით, ენრიკე ისე ნერვიულობდა, მზად იყო, „კვარასთვის“ დასვენების საშუალება მიეცა და ნება დაერთო, „ალიანს არენაზე“ გასამართ ვარჯიშში მას მონაწილეობა არ მიეღო. საბოლოოდ, ყველაფერი კარგად დასრულდა. ქართველმა ფეხბურთელმა გუნდთან ერთად ივარჯიშა და ფინალში, „ინტერის“ წინააღმდეგ ბრწყინვალე გამოსვლა აჩვენა.

წყარო : Crystalsport

The post “ენრიკე ამის გამო კვარაცხელიაზე ძალიან ნერვიულობდა” – პსჟ-ს პრეზიდენტმა ხვიჩას შესახებ აქამდე უცნობი ამბავი მოყვა appeared first on PNews.ge.