ეკა სეფაშვილი საერთაშორისო სიმპოზიუმზე წარადგენს მოხსენებას „მიმდინარე გლობალური მიგრაცია და ტექნოლოგიური გამოწვევები: უპირატესობა თუ საფრთხე ევროკავშირის სოციალური უზრუნველყოფისათვის”

„ხალხის ძალის“ საერთაშორისო მდივანი ეკა სეფაშვილი მონაწილეობას მიიღებს მე-9 საერთაშორისო სიმპოზიუმში: „ტექნოლოგია და საზოგადოება: სიკეთე თუ განსაცდელი?", რომელიც ჩატარდება 2025 წლის 23-24 იანვარს ინსუბრიის უნივერსიტეტში, იტალიაში. ამის შესახებ იუწყება უნივერსიტეტის პოსტი მედია-პლატფორმა X-ზე.სიმპოზიუმზე ეკა სეფაშვილი წარადგენს მოხსენებას თემაზე „მიმდინარე გლობალური მიგრაცია და ტექნოლოგიური გამოწვევები: უპირატესობა თუ საფრთხე ევროკავშირის სოციალური უზრუნველყოფისათვის”. მოგვიანებით მისი მოხსენება გამოქვეყნდება ონლაინ კონფერენციის შრომებში და ბიზნეს სისტემების სერიული წიგნის სპეციალურ გამოცემაში.შეგახსენებთ, რომ ეკა სეფაშვილი 2018 წლიდან არის B.S.LAB (Business System Laboratory) - ის სამეცნიერო საბჭოს წევრი. იტალიაში ბაზირებული ეს საერთაშორისო ორგანიზაცია ბიზნესისა და სოციალურ სფეროებში კვლევებისა და სწავლების ხელშეწყობას ემსახურება.ინფორმაციას „ხალხის ძალის“ პრესსამსახური ავრცელებს.