ევროკომისიის ვიცე-პრეზიდენტი ოჯახური ღირებულებების შესახებ კანონზე: საქართველოში წამოყენებული იყო სხვა წინადადებები, რომლებიც LGBTQI თემის დისკრიმინაციასა და სტიგმატიზაციას ახდენენ

ევროპარლამენტში საქართველოს შესახებ გამართულ დებატებზე ევროკომისიის ვიცე-პრეზიდენტმა, ვერა იუროვამ გააკრიტიკა უცხოური გავლენისა და ოჯახური ღირებულებების შესახებ საქართველოს პარლამენტის მიერ მიღებული კანონები.„ასევე წამოყენებული იყო სხვა წინადადებები, რომლებიც LGBTQI თემის დისკრიმინაციასა და სტიგმატიზაციას ახდენს და ასუსტებს სახელმწიფო ინსტიტუტების დამიოუკიდებლობას“, - აღნიშნა ევროკომისიის ვიცე-პრეზიდენტმა.მისი თქმით, აღნიშნული ქმედებების გამო, საქართველოს ევროკავშირში გაწევრიანების პროცესი შეჩერებულია.„ჩვენ არაერთხელ მოვუწოდეთ საქართველოს ხელისუფლებას, შეცვალონ თავიანთი კურსი და ჩვენ გავზარდეთ ჩვენი კომუნიკაცია უშუალოდ საქართველოს მოქალაქეებთან", - განაცხადა მან.ვერა იუროვამ ასევე აღნიშნა, რომ საქართველოს ხელისუფლებამ უნდა გააუქმოს კანონები, რომელიც ეწინააღმდეგება ქვეყნის ევროკავშირში გაწევრიანების გაცხადებულ მიზანს, განსაკუთრებით კანონები, რომლებიც ზღუდავენ ფუნდამენტურ უფლებებსა და თავისუფლებებს.